पुणे : मान्सून आपल्यासोबत हवामानातील सुखद बदल घेऊन येतो. परंतु हा असा ऋतू आहे, ज्यामध्ये शरीरासाठी असुरक्षितता वाढते आणि अनेक हंगामी संक्रमण, ऍलर्जी, जलजन्य आणि वायुजन्य रोग होऊ शकतात; आणि हेच कारण आहे की पावसाळ्यात आपण सर्वांनी बाहेरचे खाणे टाळावे आणि अंडी, मांस आणि मासे खाणे कमी करावे असे सुचवले जाते.
तथापि, खाण्याअगोदर तुम्ही बाजारातून विकत घेतलेली अंडी, मासे आणि मांस खाण्यासाठी सुरक्षित आहेत की नाही याची खात्री करणे आवश्यक आहे आणि ती खाण्यायोग्य आहेत की नाही याची खात्री करण्यासाठी काही सोप्या पद्धती आहेत, त्या जाणून घेऊयात…
अंडी :
पावसाळ्यात ओलसर हवामानामुळे जीवाणू आणि रोगजनकांचा प्रादुर्भाव होतो. ही अशी वेळ आहे जेव्हा अपचन, अन्नातून विषबाधा आणि पोट खराब होऊ शकते. या हंगामात अंडी खाणे टाळणे हा सर्वोत्तम मार्ग आहे. तथापि, जर तुमची अंडी खाण्याची इच्छा असेल तर अंडी ताजी आहे की शिळी आहे हे समजून घेण्यासाठी ही चाचणी तुम्हाला मदत करेल.
- अंडी फोडताना खात्री करा, उग्र वास येत आहे का ते तपासा. अंड्यातील पिवळ्या बलक भोवती हिरवट रंगाची छटा आहे का ते देखील तपासा.
- जर तुम्ही पावसाळ्यात अंडी खात असाल तर ते चांगले शिजवल्याची खात्री करा.
- अंडी तपासण्यासाठी तुम्हाला फक्त पाण्याचा उंच ग्लास किंवा पाण्याने भरलेले बीकर आवश्यक आहे. त्यात अंडे टाका. जर ते खाली राहिले तर अंडी ताजी आहे, परंतु जर ती वर तरंगली तर अंडी शिळी किंवा जुनी आहेत. शिळी किंवा जुनी अंडी वर तरंगतात, कारण जसजसे अंडे शिळे होते, तसतसे अंड्यातील हवेचे कप्पे मोठे होतात. कारण पाण्याची जागी हवा घेते.
चिकन :
जर तुम्ही या हंगामात मांस शिजवत असाल, तर आपण स्वयंपाकघरातील थर्मामीटर वापरून मांसाचे तापमान तपासू शकता. अन्नातून विषबाधा होऊ शकते किंवा पोट खराब होऊ शकते, त्यामुळे रोगजनक किंवा जीवाणू खाण्याची कोणतीही शक्यता टाळण्यासाठी ते चांगले शिजवल्याची खात्री करा.
- चिकनचा ताजेपणा तपासण्याचा एक सोपा मार्ग म्हणजे लाल किंवा काळे डाग शोधणे.
- त्याशिवाय, कोंबडीच्या मांसाला स्पर्श करा जर चिकट असेल तर चिकन जुने आणि खराब झाले आहे. तसेच ताज्या कोंबडीची रचना चमकदार आणि मजबूत असते, त्यामुळे ते फिकट रंगाचे तर नाही ना याची खात्री करा.
- चिकनमध्ये कोणतेही रोगजनक किंवा बॅक्टेरिया नसल्याची खात्री करण्यासाठी कोमट पाण्यात थोडेसे मीठ आणि हळद घालून चिकन धुवा. पावसाळ्यात शिजवण्यापूर्वी चिकन नेहमी अगोदर उकळवून घ्या.
मासे :
अनेकांना मासे आणि स्वादिष्ट सीफूड खाणे आवडते, परंतु पावसाळ्यात ते खाणे टाळण्याचा सल्ला दिला जातो. कारण पावसाळा हा माशांचा प्रजनन काळ असतो आणि त्यांच्या शरीरात होणारे बदल किंवा संसर्गजन्य पदार्थांचा कोणताही परिणाम ते खाल्ल्यावर माणसात होतो, म्हणूनच आपण मासे खाणे टाळायला हवे. तरीदेखील तुम्ही मासे खाण्याचा मोह टाळू शकत नसाल तर तुम्ही फक्त ताजे फिश खात आहात याची खात्री करण्यासाठी तुम्ही काही गोष्टी तपासू शकता.
- सुरुवातीला, माशांचे खवले तपासा, माशाचे खवले आणि शरीर घट्ट दिसते आणि रंग चमकदार दिसतो, तेव्हा मासे पाण्याच्या स्त्रोतातून ताजे उचलले जाण्याची शक्यता असते.
- नंतर गिल्स आणि डोळे तपासा, जर डोळ्यांवर पांढरे आणि निस्तेजपणा दिसला आणि गिल लालसर गुलाबी दिसत नसेल तर हे सूचित करते की मासे जुने आणि शिळे आहेत.
- जर तुम्ही या हंगामात मासे खात असाल तर माशांची अंडी खाणे टाळा. जर तुम्ही मासे शिजवण्याचा विचार करत असाल, तर मासे धुवून स्वच्छ करा आणि थोडे हळद आणि मीठ टाकून मॅरीनेट करा, हे सुनिश्चित करते की माशांमध्ये जीवाणूंचा विकास होत नाही आणि रोगजनकांची उपस्थिती टाळण्यासाठी मासे नेहमी आतून-बाहेरून शिजवा.
