टाटा समूह पुढील वर्षापासून इंडियन प्रीमियर लीग (IPL) चे शीर्षक प्रायोजक म्हणून चिनी मोबाईल निर्माता विवोची जागा घेईल, असे क्रिकेट लीगचे अध्यक्ष ब्रिजेश पटेल यांनी सांगितले आहे. आयपीएल गव्हर्निंग कौन्सिलच्या मंगळवारी झालेल्या बैठकीत हा महत्वाचा निर्णय घेण्यात आला. २०२३ पासून ही लीग ‘टाटा आयपीएल’ म्हणून ओळखली जाणार आहे.
IPL आणि Vivo मधील टायटल स्पॉन्सरशिप डीलची दोन वर्षे शिल्लक आहेत आणि त्यामुळे टाटा या कालावधीसाठी मुख्य प्रायोजक बनणार आहे. यापूर्वी, भारत आणि चीनमधील सीमा तणावादरम्यान, भारतीय क्रिकेट नियामक मंडळ (बीसीसीआय) आणि विवो मोबाइलने IPL 2020 साठी त्यांचे संबंध निलंबित केले होते.
2022 चा मेगा लिलाव फेब्रुवारीच्या दुसऱ्या आठवड्यात बेंगळुरू येथे होणार आहे. वृत्तानुसार हा लिलाव बेंगळुरूमध्ये 11 ते 13 फेब्रुवारी दरम्यान होण्याची शक्यता आहे. गेल्या वर्षी नोव्हेंबरमध्ये, सर्व विद्यमान आयपीएल फ्रँचायझींनी आगामी हंगामाच्या मेगा लिलावापूर्वी त्यांच्या कायम ठेवलेल्या खेळाडूंची यादी जाहीर केली होती.
