मुंबई : प्रसिद्ध गायक जुबिन नौटियाल यांचा अपघात झाला आहे. ही घटना गुरुवारी घडली. ज्यामध्ये गायकाला कोपर, बरगडी आणि डोक्याला दुखापत झाली आहे. जुबिनला मुंबईतील रुग्णालयात दाखल करण्यात आले आहे.
मिळालेल्या माहितीनुसार, गायक जुबिन नौटियाल गुरुवारी त्यांच्या घराच्या पायऱ्यांवरून खाली पडून जखमी झाले. त्यांच्या कोपर आणि बरगड्यांना दुखापत झाली आहे. कपाळावर आणि डोक्यालाही मार लागला आहे. त्यांना रुग्णालयात दाखल करण्यात आले आहे. जुबिन नौटियाल यांच्या उजव्या हातावर शस्त्रक्रिया करावी लागणार आहे. तसेच सध्या डॉक्टरांनी त्यांना उजवा हात न वापरण्याचा सल्ला दिला आहे.
काल गाण्याच्या लाँचनंतर झाला अपघात
नुकतेच, जुबिन नौटियाल यांचे ‘तू सामने आए’ हे गाणे रिलीज झाले. जुबिन यांनी हे गाणे योहानीसह गायले होते. गुरुवारी, नौटियाल आणि योहानी गाण्याच्या लाँचच्या वेळी एकत्र दिसले होते. यानंतरच त्यांना दुखापत झाली.
