तामिळनाडू : एका 47 वर्षीय व्यक्तीने 8 वर्षांच्या मुलीचे लैंगिक शोषण केल्याची धक्कादायक घटना समोर आली आहे. तामिळनाडूतील कोईम्बतूर येथे ही घटना घडली. या प्रकरणी आरोपी व्यक्तीला अटक करण्यात आली आहे. सध्या आरोपीची चौकशी सुरू आहे.
मिळालेल्या माहितीनुसार, गुन्हेगार रत्नम मेट्टुपालयम याने ८ वर्षीय मुलीला मैदानात खेळताना बघितले. त्यानंतर तिला थांबवले आणि अश्लील व्हिडिओ दाखवून तिचे लैंगिक शोषण केले. हे प्रकरण मार्च महिन्यातील आहे, परंतु 22 एप्रिल रोजी शाळेत झालेल्या वैद्यकीय शिबिरात मुलीने आपल्यासोबत घडलेली घटना डॉक्टरांना सांगितली, तेव्हा हे प्रकरण उघडकीस आले. त्यानंतर डॉक्टरांनी मुलीच्या कुटुंबीयांना याची माहिती दिली. या प्रकरणी फिर्यादीवरून डुडियालूर पोलिस ठाण्यात दोषीविरुद्ध गुन्हा दाखल करण्यात आला. पोलिसांनी आरोपी रत्नमविरुद्ध पॉक्सो कायद्यांतर्गत गुन्हा दाखल करून त्याला अटक केली आहे.
