दुबई : सनरायजर्स हैदराबाद आणि दिल्ली कॅपिटल्स यांच्यातील एकतर्फी झालेल्या मॅचमध्ये हैदराबादचा ८८ धावांनी विजय झाला. वॉर्नर-साहा जोडीने केलेली झंझावाती अर्धशतके आणि मनिष पांडेने मोक्याच्या क्षणी केलेली तडाखेबाज खेळी याच्या बळावर हैदराबादने २० षटकात २१९ धावांपर्यंत मजल मारली होती. या विशाल आव्हानाचा पाठलाग करताना दिल्लीच्या फलंदाजांना फक्त १३१ धावांपर्यंतच मजल मारता आली. सनरायजर्स हैदराबादने स्पर्धेतील आव्हान कायम ठेवले. तर दिल्लीच्या संघाची पराभवाची हॅटट्रिक झाली.
IPL 2020: हैदराबादची तुफान फटकेबाजीच्या जोरावर दोनशेपार मजल
टॉस जिंकून दिल्ली कॅपिटल्सने गोलंदाजीचा निर्णय घेतला. या निर्णयाचा फायदा घेत प्रथम फलंदाजी करणाऱ्या सनरायजर्स हैदराबादने २० ओव्हरमध्ये २ बाद २१९ धावा केल्या. डेव्हिड वॉर्नर आणि वृद्धिमान साहा यांनी सनरायजर्स हैदराबादला शतकी सलामी दिली. वॉर्नर ६६ धावा करुन रविचंद्रन अश्विनच्या चेंडूवर अक्षर पटेलकडे झेल देऊन बाद झाला. नंतर आलेल्या मनिष पांड्येने वृद्धिमान साहाला चांगली साथ दिली. वृद्धिमान साहाने ८७ धावा केल्या. यानंतर मनिष पांड्ये आणि केन विल्यमसन अखेरपर्यंत नाबाद राहिले. मनिष पांड्येने ४४ धावांची खेळी केली तर केन विल्यमसनने ११ धावा केल्या.
A well deserved victory for @SunRisers as they win by 88 runs.#Dream11IPL pic.twitter.com/PqlaF6IolV
— IndianPremierLeague (@IPL) October 27, 2020
