मुंबई : निवडणूक आयोगाने महाराष्ट्राचे मुख्यमंत्री एकनाथ शिंदे आणि माजी मुख्यमंत्री उद्धव ठाकरे यांच्या गटाला नोटीस पाठवली आहे. दोन्ही नेत्यांना शिवसेनेवर अधिकार असल्याच्या दाव्याचे समर्थन करण्यासाठी पुरावे सादर करण्यास सांगितले आहे. निवडणूक आयोगाने दोन्ही गटांना बहुमत सिद्ध करण्यासाठी कागदपत्रे सादर करण्यास सांगितले आहे. निवडणूक आयोगाने दोन्ही गटांकडून ८ ऑगस्टपर्यंत उत्तर मागितले आहे.
शिंदे गटाचा दावा
एकनाथ शिंदे गटाने निवडणूक आयोगाला पत्र लिहून पक्षाचे धनुष्यबाण चिन्ह वाटपाची मागणी केली होती. निवडणूक आयोगाला लिहिलेल्या पत्रात शिंदे गटाने आपली खरी शिवसेना असल्याचा दावा केला असून लोकसभा अध्यक्ष ओम बिर्ला आणि महाराष्ट्र विधानसभा अध्यक्ष राहुल नार्वेकर यांनी दिलेल्या मान्यतेचा उल्लेख केला आहे.
