3 मे पासून सुरू होणाऱ्या चार धाम यात्रेच्या आधी, उत्तराखंड सरकारने यात्रेकरूंच्या संख्येवर दैनंदिन मर्यादा निश्चित केली आहे. या निर्णयानंतर बद्रीनाथमध्ये दररोज केवळ १५ हजार, केदारनाथमध्ये १२ हजार, गंगोत्रीमध्ये ७ हजार आणि यमुनोत्रीमध्ये ४ हजार यात्रेकरूच दर्शन घेऊ शकतील.
ही व्यवस्था ४५ दिवसांसाठी करण्यात आली आहे. याशिवाय यावेळी प्रवासासाठी प्रवाशांना कोरोना चाचणीचा अहवाल निगेटिव्ह असणे आवश्यक नाही. मात्र, उत्तराखंडमधील चारधाम यात्रेसाठी सर्व प्रवाशांना पर्यटन विभागाच्या पोर्टलवर नोंदणी करावी लागेल.