पुण्यात पुन्हा एकदा गवा दिसला आहे. पुणे-बंगळुरु राष्ट्रीय महामार्गावर बावधन येथे हा गवा आढळून आला आहे. डोंगर आणि जंगल भाग जवळच असून तेथून हा गवा आल्याची शक्यता व्यक्त केली जात आहे.
पोलीस आणि वनविभागाचे अधिकारी घटनास्थळी दाखल झाले असून गव्याला पकडण्यासंबंधी नियोजन करत आहेत. गेल्यावेळी गव्याला पकडताना झालेल्या चुका आणि गर्दी टाळण्याचं मोठं आव्हान वनविभागासमोर आहे. त्यामुळे यावेळी नियोजन करून अतिशय काळजीपूर्वक ही परिस्थिती हाताळण्याचे वनविभागाचे प्रयत्न राहतील.
