अमेरिकेचे निर्वाचित राष्ट्राध्यक्ष जो बायडन यांनी कोरोनाची लस घेतली आहे. त्याचं लाईव्ह प्रक्षेपणही करण्यात आलं. जेव्हा कोरोनाची लस उपलब्ध होईल तेव्हा लोकांच्या मनात भीती नसावी आणि ते लस घेण्यासाठी तयार असावेत, यासाठी आपण जाहीरपणे लस घेतल्याचं त्यांनी सांगितलं.
जो बायडन यांनी ख्रिश्चियाना केअर हॉस्पिटलमध्ये Pfizer-BioNTech ची लस घेतली. “जेव्हा लस उपलब्ध असेल तेव्हा लोक तयार असेल पाहिजेत यासाठीच मी हे प्रात्यक्षिक केलं आहे. याबद्दल चिंता करण्याची काही गरज नाही,” असं जो बायडन यांनी म्हटलं आहे. ख्रिश्चियाना केअर हॉस्पिटलच्या आरोग्य सेवा प्रमुखांनी बायडन यांना कोरोना लसीचा पहिला डोस दिला.
जो बायडन यांनी ट्विट करत म्हटलं की, “आज मी कोरोनाची लस घेतली. दिवसरात्र मेहनत घेऊन हे शक्य करणाऱ्या शास्त्रज्ञ आणि संशोधकांचे आभार. आम्ही तुमचं खूप काही देणं लागतो. मी अमेरिकेतील लोकांना विनंती करतो की कोरोनाची लस उपलब्ध झाल्यानंतर ती नक्की घ्यावी. याबद्दल चिंता करण्यासारखं काहीही नाही.”
Today, I received the COVID-19 vaccine.
To the scientists and researchers who worked tirelessly to make this possible — thank you. We owe you an awful lot.
And to the American people — know there is nothing to worry about. When the vaccine is available, I urge you to take it. pic.twitter.com/QBtB620i2V
— Joe Biden (@JoeBiden) December 22, 2020
