Pune Cantonment Fire Superintendent Prakash Hasbe passed away in an accident
पुणे महाराष्ट्र

अग्निशमन दलाच्या अधीक्षकांचा अपघाती मृत्यू, फॅशन स्ट्रीट येथील आग विझल्यानंतर निघाले होते घरी

पुणे : पीएमपी बसने धडक दिल्याने झालेल्या अपघातात पुणे कॅन्टोन्मेंट अग्निशमन दलाचे अधीक्षक प्रकाश हसबे यांचा मृत्यू झाला आहे. येरवड्यातून विमानतळाकडे जाणाऱ्या रस्त्यावर हा अपघात घडला. कॅम्प परिसरातील फॅशन स्ट्रीट येथील बाजारपेठेला लागलेली आग नियंत्रणात आल्यानंतर ते घरी निघाले असताना हा अपघात झाला.

कमीत कमी शब्दांमध्ये मराठी बातम्यासाठी थोडक्यात घडामोडीच्या ट्विटर & फेसबुक फॉलो करा.

फॅशन स्ट्रीट मार्केटला आग लागल्यानंतर प्रकाश हसबे तात्काळ घटनास्थळी दाखल झाले होते. त्यानंतर आग नियंत्रणात आल्यावर त्यांनी आढावा घेतला आणि पहाटे साडेचारच्या सुमारास ते घरी निघाले. त्यांनी निघताना दोन तासात परत येतो असं कर्मचाऱ्यांना सांगितलं होतं. मात्र, पुणे-नगर महामार्गावर येरवड्यातून विमानतळाकडे जाणाऱ्या रस्त्यावर पीएमपी बसने त्यांना उडवले. या अपघातात त्यांचा जागीच मृत्यू झाला. पीसीबीचे मुख्य कार्यकारी अधिकारी अमित कुमार यांनी पुष्टी केली की आगीच्या घटनेनंतर ड्युटीवरून परतत असताना हसबे यांचा अपघातात मृत्यू झाला.

Share this :

कमीत कमी शब्दांमध्ये मराठी बातम्यासाठी थोडक्यात घडामोडीच्या टेलीग्राम चैनलला जॉइन करा.

थोडक्यात घडामोडी टीम
कमीत कमी शब्दांमध्ये बातम्या देणारे, आजच्या घडीला थोडक्यात घडामोडी हे मराठीतलं सर्वात वेगानं वाढणारं न्यूजपोर्टल - थोडक्यात घडामोडी

प्रतिक्रिया व्यक्त करा

आपला ई-मेल अड्रेस प्रकाशित केला जाणार नाही. आवश्यक फील्डस् * मार्क केले आहेत