मुंबई : मुंबईत पुन्हा एकदा कोरोनाचा विस्फोट झाला आहे. आज मुंबईत 20,318 नवीन रुग्ण आढळले आहेत. त्याचबरोबर पाच कोरोनाबाधितांचा मृत्यू झाला आहे. कोरोनाच्या वाढत्या रुग्णसंख्येमुळे प्रशासनाच्या चिंतेत भर पडली आहे.
मुंबईत सध्या 120 इमारती सील करण्यात आल्या आहेत. शहरात कोरोना रुग्णांमध्ये सातत्याने वाढ होत आहे. ओमिक्रॉनच्या रुग्णांची संख्याही येथे वाढत आहे. गेल्या तीन दिवसांपासून मुंबईत २० हजारापेक्षा जास्त रुग्ण आढळत आहेत. त्यामुळे मुंबईतील सक्रिय रुग्णांची संख्या १,०६,०३७ इतकी झाली आहे. मुंबईच्या रुग्णालयांमधील एकूण २१ टक्के खाटा सध्या भरल्या आहेत. येत्या आठवडाभरात मुंबईत रुग्णांची संख्या वाढण्याची शक्यता यापूर्वीच टास्क फोर्सकडून वर्तविण्यात आली आहे.
