थायलंड : थायलंडमधील ईशान्येकडील प्रांतातील मुलांच्या डे-केअर सेंटरमध्ये गुरुवारी झालेल्या अंधाधुंद गोळीबारात किमान 31 जण ठार झाले, असे पोलिस प्रवक्त्याने सांगितले. वृत्तसंस्था रॉयटर्सने स्थानिक प्रसारमाध्यमांच्या वृत्ताचा हवाला देत म्हटले आहे की, अंधाधुंद गोळीबार केल्यानंतर बंदुकधारी व्यक्तीने स्वतः वर देखील गोळी झाडली आणि आत्महत्या केली.
पीडितांमध्ये मुले आणि प्रौढ दोघांचाही समावेश आहे, पोलिसांनी एका निवेदनात म्हटले आहे की, बंदूकधारी माजी पोलीस अधिकारी होता आणि त्याचा शोध सुरू होता. सरकारी प्रवक्त्याने सांगितले की, पंतप्रधानांनी सर्व यंत्रणांना कारवाई करण्यासाठी आणि दोषीला पकडण्यासाठी सतर्क केले आहे.
