रिया चक्रवर्तीला १४ दिवसांची न्यायालयीन कोठडी सुनावण्यात आली आहे. तिचा जामीनही फेटाळण्यात आला आहे. NCB ने सुशांत सिंह राजपूत आत्महत्या प्रकरणातली मुख्य संशयित आरोपी रिया चक्रवर्तीला ड्रग्ज सेवन आणि इतर आरोपांखाली अटक केली. अंमली पदार्थ विरोधी विभागाने ही कारवाई केली त्यानंतर तिला न्यायालयात हजर करण्यात आलं. न्यायालयाने रियाला १४ दिवसांची न्यायालयीन कोठडी सुनावली आहे.
एनसीबीने कोर्टामध्ये रियाच्या जामिनाला विरोध दर्शवत युक्तीवाद केला. रिया चक्रवर्ती या प्रकरणातली आरोपी आहे. तिला जामीन मिळाला तर त्याचा परिणाम या प्रकरणावर होऊ शकतो, असं एनसीबीने कोर्टात सांगितलं. दरम्यान रियाचे वकील सतीश मानेशिंदे यांनी तिच्या जामिनासाठी कोर्टात बाजू मांडली. एनसीबीने रियाची चौकशी पूर्ण केली आहे त्यामुळे तिला जामीन मिळाला पाहिजे असं मानेशिंदे यांनी म्हटलं. मात्र कोर्टाने रियाचा जामीन फेटाळला आहे.
