मुंबई महापालिकेकडून बॉलिवूड अभिनेत्री कंगना रणौतच्या कार्यालयावर कारवाई करण्यात आली आहे. ही कारवाई सूड भावनेने केली असल्याचा आरोप केला जात आहे. दरम्यान, खासदार नवनीत राणा यांनी संजय राऊत यांच्या खासदारकीचा राजीनामा घेण्यात यावा अशी मागणी मुख्यमंत्र्यांकडे केली आहे.
नवनीत राणा म्हणाल्या कि, कंगना रानौतचं कार्यालय दोन वर्षांपासून तिथे आहे. मग आता तिने टीका केली म्हणून कारवाई करणं योग्य नाही. संजय राऊत सामना वृत्तपत्रात जेव्हा इतर व्यक्तींवर टीका करता तेव्हा तुमच्यावर कारवाई होत नाही, तर कंगनावर कारवाई का? असा सवाल देखील त्यांनी उपस्थित केलेला आहे.
कोरोनाची एवढी भीषण परिस्थिती असताना पालिकेला इतक्या तडकाफडकी हि कारवाई करण्याची काय गरज होती? तसेच काम करायचं असेल तर काहीतरी समाजोपयोगी काम करा, असं देखील त्या म्हणाल्या आहेत.
