नवी दिल्ली : ‘बाबा का ढाबा’चे मालक कान्ता प्रसाद यांनी आत्महत्या करण्याचा प्रयत्न केला आहे. त्यांना रुग्णालयात दाखल करण्यात आले असून त्यांच्यावर उपचार सुरु आहेत. परंतु, त्यांची प्रकृती चिंताजनक असल्याचे सांगितले जात आहे. नुकतीच, त्यांनी त्यांचा व्हिडिओ बनविणाऱ्या यूट्यूबवर गौरव वासाची माफी मागितली होती.
मिळालेल्या माहितीनुसार, कांता प्रसाद यांनी गुरुवारी रात्री उशिरा आत्महत्येचा प्रयत्न केला आहे. त्यांनी झोपेच्या गोळ्या घेतल्या, ज्यामुळे त्यांची तब्येत बिघडली. त्यानंतर कांता प्रसाद यांना तातडीने दिल्लीतील सफदरजंग रुग्णालयात दाखल करण्यात आले, परंतु, त्यांची प्रकृती चिंताजनक असल्याचे सांगितले जात आहे. पोलिस या प्रकरणाची चौकशी करत आहेत.
मागील वर्षी YouTuber गौरव वासनने बाबांचा एक व्हिडिओ शेअर केला होता, ज्यामध्ये कांता प्रसाद सांगत होते की त्यांना दोन मुले आणि एक मुलगी आहे, परंतु कोणीही त्यांना मदत करत नाही. ते आणि त्यांची पत्नी दिवसभर ढाब्यावर स्वयंपाक बनवून त्याची विक्री करतात. हा व्हिडिओ सोशल मीडियावर इतका व्हायरल झाला की कांता प्रसाद यांचे नशीब एका रात्रीत पालटले. कांता प्रसाद सोशल मीडियावर व्हायरल झालेल्या व्हिडिओद्वारे देशभर चर्चेत आले होते. मोठ्या संख्येने लोक त्यांच्या मदतीसाठी पुढे आले, त्यांच्या खात्यावर लाखो रुपये जमा झाले आणि त्यांची आर्थिक परिस्थिती चांगली झाली होती.
परंतु, नंतर कांता प्रसाद यांनी गौरव वासन याच्यावर फसवणुकीची केस टाकली होती. कांता प्रसाद यांनी एक नवीन रेस्टॉरंट उघडले होते, परंतु नुकसान होत असल्यामुळे 4 महिन्यांपूर्वी ते बंद केले. त्यानंतर त्यांनी पुन्हा आपला ढाबा सुरू केला होता. जुन्या जागी परतल्यानंतर त्यांनी गौरव वासनची माफी मागितली होती.”
‘बाबा का ढाबा’ चे मालक कांताप्रसाद पुन्हा पूर्वीच्या स्थितीत, रेस्टॉरंट बंद करुन जुना ढाबा सुरु
