बीसीसीआयने युएईत यंदाच्या हंगामाच्या आयपीएल स्पर्धेचं आयोजन केलं आहे. १९ सप्टेंबर ते १० नोव्हेंबर या काळात ही स्पर्धा खेळवली जाणार आहे. युएईत करोनामुळे निर्माण झालेली परिस्थिती लक्षात घेता आयपीएल सामन्यांना प्रेक्षकांना परवानगी नाकारण्यात आलेली आहे. त्यामुळे खेळाडूंचा उत्साह वाढवण्यासाठी चाहत्यांच्या रेकॉर्डेड प्रतिक्रिया, टाळ्या, शिट्ट्या यांचं आयोजन करण्यात येणार आहे.
काही संघमालकांनी चिअरलिडर्सच्या फोर आणि सिक्स गेल्यानंतरच्या रेकॉर्डेड डान्स मूव्ह मैदानावर चालवण्याचं ठरवलंय. तसेच काही संघांनी चाहत्यांच्या प्रतिक्रिया, टाळ्या आणि शिट्ट्या रेकॉर्ड करुन मैदानात लावण्याचं ठरवलंय. यामुळे खेळाडूंना आपले चाहते आपल्यासोबत आहेत व ते आपला खेळ पाहत आहेत असं वाटेल.
