लखनौ : काँग्रेस नेते राज बब्बर यांना लखनौच्या एमपी एमएलए न्यायालयाने मतदान अधिकाऱ्याला मारहाण केल्याप्रकरणी दोन वर्षांची शिक्षा सुनावली आहे. यासोबतच 8500 रुपयांचा दंडही ठोठावण्यात आला आहे.
राज बब्बर यांना सरकारी कामात अडथळा आणणे आणि मारहाण केल्याप्रकरणी दोषी ठरवण्यात आले आहे. निकाल सुनावताना राज बब्बर न्यायालयात हजर होते. २ मे १९९६ रोजी मतदान अधिकाऱ्याने वजीरगंजमध्ये राज बब्बर यांच्याविरुद्ध गुन्हा दाखल केला होता. त्यावेळी राज बब्बर हे सपाचे उमेदवार होते.
