गुजरातचे मुख्यमंत्री विजय रुपाणी यांना कोरोनाची लागण झाली आहे. काल विजय रुपाणी एका कार्यक्रमाच्या स्टेजवर चक्कर येऊन बेशुद्ध पडले होते. यानंतर त्यांना यूएन मेहता रुग्णालयात दाखल करण्यात आले आहे. रुग्णालयाने जारी केलेल्या वैद्यकीय बुलेटिननुसार सीएम रुपाणी यांची प्रकृती स्थिर आहे.
डॉ. आर. के. पटेल यांनी सोमवारी सांगितले की, “विजयभाई यांचे ईसीजी, इको, सीटी स्कॅन, ऑक्सिजन पातळी सारखे अहवाल सामान्य आहेत, त्यांची प्रकृती स्थिर आहे, रुग्णालयात 24 तास त्यांचे परीक्षण केले जाईल. डिहायड्रेशन, थकवा आणि तीव्र कामांमुळे त्याला चक्कर येत होती.”
मुख्यमंत्री विजय रुपाणी रविवारी प्रचारासाठी वडोदराच्या निजाम पुरा येथे दाखल झाले, परंतु तेथे त्यांना अचानक चक्कर आली आणि ते मंचावर पडले. त्याचा बीपी कमी झाला असावा, असा अंदाज लावण्यात आला होता. यानंतर मुख्यमंत्री विजय रुपाणी यांना सरकारी विमानाने अहमदाबाद येथे आणले गेले. त्यांना अहमदाबादमधील यू.एन. मेहता रुग्णालयात हलविण्यात आले होते. जिथे त्यांच्या सर्व चाचण्या घेण्यात आल्या. आता त्यांना कोरोना संसर्ग झाल्याची पुष्टी झाली आहे. परंतु, त्यांची प्रकृती स्थिर असल्याचे डॉक्टरांचे म्हणणे आहे.
