ठाणे : केमिकल वाहतूक करणारा टँकर पलटल्याची घटना ठाण्यातील घोडबंदर रोडवर घडली आहे. या दुर्घटनेत दोन जण जखमी झाल्याची माहिती आहे. जखमींना तातडीने रुग्णालयात दाखल करण्यात आलं असून सध्या त्यांच्यावर उपचार सुरू आहेत.
ठाणे महानगरपालिकेकडून देण्यात आलेल्या माहितीनुसार, केमिकल वाहतुकीसाठी रत्नागिरीकडे निघालेल्या टँकर मध्यरात्रीच्या सुमारास ठाण्यातील घोडबंदर रोडला पलटला. चालकाचे वाहनावरील नियंत्रण सुटल्याने हा अपघात झाल्याची माहिती आहे. याबाबत माहिती मिळताच अग्निशमन दलाच्या कर्मचाऱ्यांनी घटनास्थळी धाव घेतली आणि मदतकार्य सुरू केले. अपघातग्रस्त टँकरमधून दोन जणांना बाहेर काढून उपचारासाठी रुग्णालयात दाखल करण्यात आलं.
Maharashtra | A tanker filled with Ethyl Benzyl Aniline (EBA) chemical capsized on Ghodbunder Road in Thane as the driver lost balance on its way to Ratnagiri last night. 2 people got injured. After 3hrs, the tanker was removed: Thane Municipal Corporation pic.twitter.com/91fDUVcUyB
— ANI (@ANI) May 18, 2022
वर्दळीच्या रस्त्यावर टँकर पलटल्याने काही काळासाठी या मार्गावरील वाहतूक विस्कळीत झाली होती. अखेर ३ तासानंतर टँकर रस्त्यातून हटवण्यात आला आणि वाहतूक पुन्हा सुरळीत झाली. दरम्यान, अपघातानंतर टँकरमधील केमिकल संपूर्ण रस्त्यावर पसरले होते. महापालिकेच्या कर्मचाऱ्यांकडून रस्ता स्वच्छ करण्याचं काम सुरू होतं.
