iPhone users will have to pay more

iPhone युजर्सना धक्का : अॅप्स आणि इन अॅप्स साठी मोजावे लागणार जास्त पैसे

गॅझेट्स

अॅपल आयफोन युजर्ससाठी ही महत्वाची बातमी आहे. लवकरच अॅपल युजर्सना अॅप्स आणि इन अॅप्स खरेदीसाठी जास्त पैसे मोजावे लागणार आहेत. भारत, इंडोनेशिया, ब्राझील, कोलंबिया, साउथ आफ्रिका आणि रशिया यासारख्या ६ देशात Apple App Store आपल्या दरांमध्ये वाढ करणार आहे.

कमीत कमी शब्दांमध्ये मराठी बातम्यासाठी थोडक्यात घडामोडीच्या ट्विटर & फेसबुक फॉलो करा.

अॅपलने आपल्या ब्लॉग पोस्टमध्ये सांगितले की, टॅक्स वाढल्याने कंपनीने हे पाऊल उचलले आहे. भारतात इंटरनेट कंपन्यांवर १८ टक्के जीएसटी त्याशिवाय २ टक्के equalisation levy टॅक्स लावला जातो. इक्वलायजेशन लेवी एक प्रकारचा डायरेक्ट टॅक्स आहे. जो विदेशी टेक कंपन्यातून डिजिटल ट्रान्झक्शन द्वारे कमाईतून घेतला जातो. याच प्रमाणे इंडोनेशियात डेव्हलपर्सला १० टक्के नवीन टॅक्स द्यावा लागतो.

अॅपलने म्हटले, ज्यावेळी टॅक्स किंवा फॉरेन एक्सचेंज रेट मध्ये बदल केला जातो. त्यावेळी कधी-कधी अॅप स्टोरवर किंमती अपडेट करणे गरजेचे असते. पुढील काही दिवसांत अॅप स्टोरवर अॅप्स आणि इन अॅप्स खरेदीवरच्या किंमतीत ब्राझील, कोलंबिया, भारत, इंडोनेशिया, रशिया आणि दक्षिण आफ्रिका मध्ये वाढ करणार आहे. कंपनीने सांगितले की, युजर्संना अॅपल डेव्हलपर पोर्टलच्या My Apps मध्ये उपलब्ध असलेल्या Pricing and Availability सेक्शनमध्ये जावे लागेल. परंतु, अॅपलच्या स्वतःच्या सर्विस जसे Apple Music, Apple TV+ यांच्या किंमतीत बदल होणार की नाही, हे अद्याप स्पष्ट झालेले नाही.

Share this :

कमीत कमी शब्दांमध्ये मराठी बातम्यासाठी थोडक्यात घडामोडीच्या टेलीग्राम चैनलला जॉइन करा.

प्रतिक्रिया व्यक्त करा

आपला ई-मेल अड्रेस प्रकाशित केला जाणार नाही. आवश्यक फील्डस् * मार्क केले आहेत