गेल्या दोन वर्षांपासून संपूर्ण जग कोरोना व्हायरसशी लढा देत आहे. या महामारीमुळे अनेकांना आपला जीव गमवावा लागला आहे. मात्र, आता हळूहळू सर्वजण यातून सावरत आहेत. मात्र, अजूनही कोरोना संसर्गाचा धोका कमी झालेला नाही. अशा परिस्थितीत अनेक महत्त्वाच्या कामांसाठी घराबाहेर पडताना आपण आपला स्मार्टफोन नक्कीच सोबत घेऊन जातो. मात्र, कोरोना व्हायरस आपल्या फोनवरही येऊ शकतो. अशा परिस्थितीत स्वत:ला सुरक्षित ठेवण्यासाठी काय केले पाहिजे ते जाणून घेऊया.
आपण काही काळासाठी जरी घराबाहेर पडलो तरी येताना आपल्याबरोबर कोरोना विषाणूदेखील घरी येण्याची शक्यता लक्षणीय वाढते. त्यामुळे आपण काही महत्वाच्या गोष्टी लक्षात घेऊन बाहेरून आल्यानंतर आपला फोन सॅनिटाइज करणे आवश्यक आहे. जेणेकरून आपण आणि आपले कुटुंबीय कोरोना संसर्गापासून सुरक्षित राहू शकतील.
फोन सॅनिटाइज कसा करावा?
स्मार्टफोनची स्वच्छता करण्यापूर्वी कोणत्या गोष्टींची काळजी घेणे आवश्यक आहे हे प्रथम समजून घेणे आवश्यक आहे. लक्षात ठेवा की निर्जंतुकीकरण करण्यासाठी, लिंट फ्री मायक्रोफायबर कापड वापरा. जेणेकरून फोनच्या स्क्रीनला स्क्रॅच पडणार नाही. कोणत्याही प्रकारचा द्रव पदार्थ थेट स्क्रीनवर स्प्रे करू नये.
- फोन सॅनिटाइज करणार असाल तर सर्वप्रथम स्मार्टफोन बंद करा.
- साफसफाई करताना, लिंट-फ्री मायक्रोफायबर कापड डावीकडून उजवीकडे आणि वरपासून खाली असे वापरा.
- फोन निर्जंतुक करताना, कव्हर देखील काढून टाकले पाहिजे आणि स्वच्छ केले पाहिजे. कोरोना व्हायरस मोबाईल कव्हरवर देखील असू शकतो.
