आज सकाळी समाजवादी पक्षाच्या खासदार जया बच्चन यांनी राज्यसभेत नाव न घेता कंगना रनौतला लक्ष्य केले. ड्रग्ज प्रकरणात बॉलिवूडच्या बदनामीबद्दल त्यांनी नाराजी व्यक्त केली होती. ज्यांनी इंडस्ट्रीत राहून नाव कमावलं, तेच आता इंडस्ट्रीला गटार म्हणतायत. माझा याला पूर्ण विरोध आहे. लोकांनी अशा प्रकारची भाषा वापरू नये असं सरकारकडून सांगण्यात यावं, असं जया बच्चन म्हणाल्या.
जया पुढे म्हणाल्या, “इंडस्ट्रीने नेहमीच चांगल्या उपक्रमांसाठी सरकारला मदत करायला पुढाकार घेतला आहे. आता सरकारने इंडस्ट्रीला पाठिंबा द्यावा. जर एखादी राष्ट्रीय आपत्ती आली तर हे लोक येऊन पैसे देतात, त्यांच्या सेवा देतात. दरम्यान, कंगनाने ट्विट करत जया बच्चन यांना प्रत्युत्तर दिलं आहे.
“जयाजी, माझ्या जागी तुमच्या मुलीला श्वेताला जर किशोरवयात कोणी मारहाण केली असती, तिला ड्रग्स दिले असते आणि तिच्यासोबत गैरवर्तणूक केली असती, तर तेव्हादेखील तुम्ही असंच म्हणाला असतात का? तसंच अभिषेक सातत्याने छळ व गुंडगिरीचा त्रास होतोय अशी तक्रार करत असेल आणि एक दिवस तो अचानक फासावर लटकलेला आढळला असता तर ?
आमच्याबद्दलही थोडी दया दाखवा”, असं ट्विट कंगनाने केलं आहे.
Jaya ji would you say the same thing if in my place it was your daughter Shweta beaten, drugged and molested as a teenage, would you say the same thing if Abhieshek complained about bullying and harassment constantly and found hanging one day? Show compassion for us also ? https://t.co/gazngMu2bA
— Kangana Ranaut (@KanganaTeam) September 15, 2020
