कोरोनाचं थैमान सुरु असून दररोज सरासरी 40 ते 50 हजारांदरम्यान नवे रूग्ण वाढत आहेत. मात्र आता ही सरासरी वाढलेली दिसून येत आहे. मृत्यूंचं प्रमाण देखील वाढलं आहे. काल दिवसभरात 52 हजार 123 नव्या कोरोनाबाधित रूग्णांची नोंद झाली आहे. भारतातली कोरोनाबाधितांची एकूण संख्या आतापर्यंत 15 लाख 83 हजार 792 इतकी झाली आहे. तर गेल्या 24 तासांत दुर्दैवाने 775 लोकांना आपला जीव गमवावा लागला आहे, अशी माहिती केंद्रिय आरोग्य विभागाने दिली आहे.
देशात सध्या 5 लाख 28 हजार 242 रूग्णांवर उपचार सुरू आहेत. तर 10 लाख 20 हजार 582 रूग्णांना डिस्चार्ज दिला गेला आहे. दिलासादायक गोष्ट म्हणजे भारताचा रिकव्हरी रेट सुधारून आता तो 63 टक्क्यांच्या वरती गेला आहे.
दुसरीकडे देशात महाराष्ट्रात सर्वाधिक कोरोनाचा कहर आहे. राज्यात कालच्या दिवसभरात कोरोनाच्या 9 हजार 211 नवीन रुग्णांचे निदान झाले असून सध्या राज्यात १ लाख 46 हजार 129 रुग्णांवर (ॲक्टिव्ह) उपचार सुरू आहेत, अशी माहिती आरोग्यमंत्री राजेश टोपे यांनी दिली.
