मुंबई : अरबी समुद्रात पी -305 जहाज बुडाले आणि त्यामध्ये ४९ जणांचा मृत्यू झाला. या प्रकरणात मुंबई पोलिसांनी जहाजाच्या कॅप्टनसह अनेक व्यक्तींविरूद्ध एफआयआर नोंदविला आहे. पोलिसांनी कॅप्टन राकेश बल्लभ आणि इतरांविरूद्ध कलम 3०4 (२), 38 आणि 34 या कलमांतर्गत गुन्हा दाखल केला आहे. या प्रकरणी मुंबईतील यलो गेट पोलिस ठाण्यात गुन्हा दाखल करण्यात आला आहे.
मुंबईच्या किनारपट्टीच्या भागात सोमवारी तौक्ते चक्रीवादळाच्या दरम्यान पाण्यात बुडालेल्या जहाजाचे मुख्य अभियंता रहमान शेख यांनी आरोप केला की, बार्ज पी -305 (P-305 barge) च्या कॅप्टनने चक्रीवादळाचा इशारा गंभीरपणे घेतला नाही, ज्यामुळे चालक दलातील कमीतकमी 49 जणांचा मृत्यू झाला. रहमान यांनी बार्ज पी -305 चा प्रवास योग्य होता का? असा प्रश्नदेखील उपस्थित केला आहे. ते पुढे म्हणाले की, कॅप्टन बलविंदर सिंग यांनी जोर देत म्हटले की वारा जास्त वेगाने वाहणार नाही, वाऱ्याचा वेग ताशी 75 किलोमीटरपेक्षा जास्त होणार नाही. तसेच चक्रीवादळ फक्त तासभरच असेल. ते 11 वाजता सुरू होईल आणि 12 वाजता संपेल. ही संपूर्ण घटना कॅप्टन आणि ग्राहक (क्लायंट) यांच्यामुळे घडली आहे.
ब्रेकिंग : तहलकाचे माजी संपादक तरुण तेजपाल यांची 8 वर्षानंतर बलात्कार प्रकरणात निर्दोष मुक्तता
या घटनेतील २६ जण अद्याप बेपत्ता आहेत, त्यांच्यामध्ये बलविंदरसिंग हेदेखील आहेत. रहमान शेख हेदेखील 24 तास पाण्यात राहिले, त्यानंतर नौदलाने येऊन त्यांना वाचवले. P-305 या बार्जवर 261 लोक होते. चार दिवसांपूर्वी अरबी समुद्रात पी 305 बार्ज बुडाले, गुरुवारपर्यंत ठार झालेल्या लोकांची संख्या 49 वर गेली होती. 26 लोक अद्याप बेपत्ता आहेत. त्यांचा शोध घेण्यासाठी नौदल आणि तटरक्षक दलाचे शोध आणि बचाव कार्य चालू आहे.
