आयपीएलचा 40 वा सामना आज राजस्थान रॉयल्स आणि सनरायजर्स हैदराबाद यांच्यात दुबईच्या इंटरनॅशनल क्रिकेट स्टेडियममध्ये संध्याकाळी ७.30 वा. रंगणार आहे. प्ले-ऑफमध्ये पोहोचण्यासाठी दोन्ही संघांसाठी विजय अत्यावश्यक आहे. हैदराबाद आतापर्यंत नऊ सामने खेळला आहे. पॉईंट टेबलमध्ये सामन्यांत सहा गुण मिळवून सातव्या स्थानावर आहे. तर राजस्थान 1o सामन्यांत आठ गुण मिळवून सहाव्या स्थानावर आहे.
मागील सामन्यात राजस्थानने हैदराबादला 5 गडी राखून पराभूत केले. हैदराबादने प्रथम फलंदाजी करत 4 विकेट्सवर 158 धावा केल्या. प्रत्युत्तरात राजस्थानने 5 गडी राखून १९.५ षटकांत सामना जिंकला.
राजस्थान रॉयल्स संघात जोस बटलर, स्टीव्ह स्मिथ, बेन स्टोक्स आणि जोफ्रा आर्चरसारखे उत्कृष्ट खेळाडू आहेत. त्याचबरोबर सनरायझर्स हैदराबाद संघात डेव्हिड वॉर्नर, जॉनी बेअरस्टो, मनीष पांडे, जेसन होल्डर आणि राशिद खान सारखे खेळाडू आहेत. मात्र हैदराबादच्या संघाला मोठा धक्का बसला आहे. संघातील स्टार फलंदाज केन विल्यमसन राजस्थान रॉयल्सच्या विरोधातील सामना खेळणार नाही.
दुबईतील खेळपट्टी फलंदाजांना मदत करू शकेल. येथे स्लो विकेट असल्याने स्पिनर्सनाही खूप मदत होईल. दुबईमध्ये नाणेफेक जिंकलेल्या संघाला प्रथम फलंदाजी करायला आवडेल.
