राजस्थान : प्रतापगडमधील तरुणाने त्याच्या सुसाईड नोटमध्ये धक्कादायक कारण नमूद केले आहे. धामोतर पोलीस ठाण्याच्या हद्दीतील चारी टापरा गावात सोमवारी दुपारी शेर सिंग (२२) नावाच्या तरुणाने गळफास घेऊन आत्महत्या केली. नातेवाईकांचे म्हणणे आहे की याआधी शेर सिंगने एक सुसाईड नोट लिहून त्यात सांगितले होते की, त्याच्या पत्नीने त्याच्या प्रायव्हेट पार्टवर लाथ मारली होती, ज्यामुळे त्याने आपले पुरुषत्व गमावले होते. यामुळे तो आत्महत्या करत आहे.
मिळालेल्या माहितीनुसार, सोमवारी सकाळी शेरसिंग त्याच्या पत्नीला मोहरी सोडण्यासाठी गेला होता. तिला सोडून परत आल्यावर त्याने आत्महत्या केली. नातेवाइकांनी दरवाजा ठोठावला असता शेर सिंग याने दरवाजा उघडला नाही. यानंतर नातेवाईकांना संशय आला आणि त्यांनी शेजाऱ्यांच्या मदतीने टेरेसवरून जाऊन दरवाजा उघडला. यावेळी त्यांना शेर सिंग गळफास घेतलेल्या अवस्थेत दिसला. नातेवाइकांनी त्याला तात्काळ खाली उतरवून रुग्णालयात नेले. पोलिसांनाही घटनेची माहिती देण्यात आली. तरुणाच्या मृत्यूप्रकरणी कुटुंबीयांनी धामोतर पोलीस ठाण्यात गुन्हा दाखल केला आहे.
एसएचओ मुन्शी मोहम्मद पठाण यांनी सांगितले की, सुसाईड नोटच्या आधारे या प्रकरणाचा तपास केला जाईल. सायंकाळी पोलिसांनी शवविच्छेदन करून मृतदेह नातेवाईकांच्या ताब्यात दिला. पोलिसांनी दिलेल्या माहितीनुसार, शेर सिंगचे दोन वर्षांपूर्वी रीनाशी लग्न झाले होते. लग्नानंतर या दोघांमध्ये नेहमी भांडण होत असायचे. त्यांना मूलबाळ नव्हते. पोलिसांनी सध्या गुन्हा दाखल करून घेतला असून तपास सुरू केला आहे.
सांगली हादरली! एकाच कुटुंबातील नऊ जणांचे मृतदेह आढळल्याने खळबळ, आत्महत्या केल्याची माहिती
