नवी दिल्ली : राष्ट्रीय सुरक्षा सल्लागार (NSA) अजित डोवाल यांच्या घरात एक संशयित घुसण्याचा प्रयत्न करत होता. अजित डोवल यांच्या दिल्लीतील शासकीय निवासस्थानात घुसण्याचा प्रयत्न करण्यात आल्याचा धक्कादायक प्रकार समोर आला आहे. संशयित व्यक्तीला सुरक्षा दलांनी ताब्यात घेतले असून त्याची चौकशी करण्यात येत आहे.
सुरक्षारक्षकांनी या संशयिताला पकडले. दिल्ली पोलिसांच्या विशेष पथकासोबत चौकशीदरम्यान त्याने अजब दावा केला आहे, त्याने सांगितले की त्याच्या शरीरात एक चिप आहे, जी रिमोटने नियंत्रित केली जात आहे. तपासात तो कर्नाटकचा रहिवासी असल्याचे समोर आले. अज्ञात व्यक्ती एक कार चालक आहे. मात्र, त्याची मानसिक स्थिती स्थिर नसल्याचे सांगण्यात येत आहे.
