IRCTC New Rules : जर तुम्ही रेल्वेने प्रवास करत असाल तर ही बातमी तुमच्यासाठी खूप उपयोगी ठरू शकते. भारतीय रेल्वेची सहयोगी कंपनी असलेल्या IRCTC ने तिकिटांच्या बुकिंगच्या नियमांमध्ये बदल केले आहेत. नवीन नियमांनुसार, IRCTC ऍप आणि वेबसाइटद्वारे, तुम्हाला प्रथम तुमचे खाते व्हेरिफाय करावे लागेल, त्यानंतर तिकीट बुकिंग केले जाईल. तसेच, आता एका युजर आयडीवर एका महिन्यात जास्तीत जास्त तिकीट बुक करण्याची मर्यादा 12 वरून 24 करण्यात आली आहे. जे खूप प्रवास करतात त्यांच्यासाठी हे चांगले पाऊल आहे.
पडताळणी अनिवार्य आहे
IRCTC च्या नवीन नियमांनुसार, आता तिकीट बुक करण्यापूर्वी वापरकर्त्यांना मोबाईल नंबर आणि ई-मेल आयडीची पडताळणी करणे आवश्यक असेल. ई-मेल आयडी आणि मोबाईल नंबरची पडताळणी केल्याशिवाय तुम्ही ऑनलाइन तिकीट बुक करू शकणार नाही.
IRCTC खात्याचे देशभरात लाखो वापरकर्ते आहेत, त्यापैकी हजारो लोकांनी कोरोना महामारी सुरू झाल्यापासून ऑनलाइन तिकिटे बुक केलेली नाहीत. हा नियम फक्त अशा लोकांना लागू आहे. जर तुम्ही खूप दिवसांपासून तिकीट बुक केले नसेल तर आधी व्हेरिफिकेशन करणे आवश्यक झाले आहे.
असे करा व्हेरिफिकेशन :
- IRCTC ऍप किंवा वेबसाइटवर जा आणि व्हेरिफाय विंडोवर क्लिक करा.
- येथे तुम्ही तुमचा नोंदणीकृत मोबाईल नंबर आणि ई-मेल आयडी टाका, त्यानंतर Verify वर क्लिक करा.
- यानंतर तुमच्या मोबाईलवर OTP येईल, तो एंटर करा आणि मोबाईल नंबर सत्यापित करा.
- याप्रमाणेच ई-मेल आयडीवर आलेला कोड टाकल्यानंतर तुमचा मेल आयडी व्हेरिफाय करा.
- आता तुम्ही तुमच्या खात्यातून कोणत्याही ट्रेनसाठी ऑनलाइन तिकीट बुक करू शकता.
1 महिन्यात 24 तिकिटे काढता येणार
रेल्वेने IRCTC च्या एका यूजर आयडीवर एका महिन्यात जास्तीत जास्त तिकीट बुक करण्याची मर्यादा १२ वरून २४ पर्यंत वाढवली आहे. जर तुमचे आधार कार्ड लिंक यूजर आयडी असेल तर आता तुम्ही एका महिन्यात २४ तिकिटे बुक करू शकता. त्याचप्रमाणे आधार UID लिंक नसलेल्या खात्यातून 6 ऐवजी 12 तिकिटे बुक करता येतील.
