सोलापूर जिल्ह्यात सांगोला तालुक्यातील कमलापूर येथील भारतीय लष्करातील जवान अमोल किरण आदलिंगे (वय ३०) यांचा भारत-चीन सीमेवर सिक्कीममध्ये कोरोनाचा संसर्ग होऊन मृत्यू झाला. बुधवारी सायंकाळी सहाच्या सुमारास त्यांचा मृत्यू झाला.
आदलिंगे हे २०१२ साली हैदराबाद येथून भारत-तिबेट सीमा पोलीस दलात भरती झाले होते. सिक्कीममध्ये कर्तव्यावर रुजू असताना त्यांना करोनाचा संसर्ग झाला. त्यांच्यावर उपचार सुरू होते मात्र अखेर त्यांचा मृत्यू झाला. त्यांच्या पश्चात आई, पत्नी, एक मुलगा, एक मुलगी आणि भाऊ असा परिवार आहे. मृत आदलिंगे यांच्या पार्थिवावर सिक्कीम येथेच भारत-तिबेट सीमा पोलीस दलाकडून अंत्यसंस्कार केले जाणार आहेत.
