बेंगळुरू : कन्नूरचे नगरसेवक पीव्ही कृष्ण कुमार यांना लैंगिक शोषण प्रकरणी अटक करण्यात आली आहे. ते एडक्कड मतदारसंघाचे अध्यक्ष होते. फरार असलेल्या कृष्ण कुमारला सहायक आयुक्त पीटी के रत्नकुमार यांच्या नेतृत्वाखालील पथकाने बेंगळुरू येथून अटक केली.
कोऑपरेटिव्ह सोसायटीच्या एका महिला कर्मचाऱ्याने 20 जुलै रोजी याप्रकरणी तक्रार दाखल केली होती. कन्नूर कॉर्पोरेशन किझुन्ना विभागाचे काँग्रेस नगरसेवक कृष्ण कुमार यांनी कामाच्या ठिकाणी तिचे लैंगिक शोषण केले. बँक सेक्रेटरी आणि इतर कर्मचारी बाहेर गेल्यावर त्यांनी तिच्यावर लैंगिक अत्याचार करण्याचा प्रयत्न केला, असा आरोप तिने केला. याप्रकरणी शहर पोलीस आयुक्त आणि महिला आयोगाकडे तक्रार करण्यात आली होती.
एडक्कड पोलिसांनी याप्रकरणी गुन्हा दाखल केला होता, त्यानंतर कृष्ण कुमार फरार झाला होता. पोलिसांनी त्याच्याशी फोनवरून संपर्क साधण्याचा प्रयत्न केला असता तो बंद होता. पोलिसांनी तपास करून त्याचा शोध घेण्याचा प्रयत्न केला. त्यावेळी कृष्ण कुमारला सहायक आयुक्त पीटी के रत्नकुमार यांच्या नेतृत्वाखालील पथकाने बेंगळुरू येथून अटक केली.