उत्तराखंड : उत्तरकाशीमध्ये यमुनोत्री महामार्गावर प्रवाशांनी भरलेली बस दरीत कोसळली. या दुर्दैवी अपघातात 22 जणांचा मृत्यू झाल्याची माहिती मिळाली आहे. ही बस सुमारे २०० ते २५० मीटर खोल दरीत कोसळली आहे. घटनेची माहिती मिळताच एसडीआरएफचे जवान मदतकार्यासाठी घटनास्थळी तैनात करण्यात आले आहेत.
मिळालेल्या माहितीनुसार, हा अपघात दामट्यापासून सुमारे 2 किमी अंतरावर असलेल्या नौगावच्या दिशेने झाला. बसमधील प्रवासी हे मध्य प्रदेशातील पन्ना जिल्ह्यातील रहिवासी आहेत. घटनास्थळी तीन रुग्णवाहिका दाखल झाल्या आहेत. मदतकार्य सुरू आहे. मिळालेल्या माहितीनुसार, बसमध्ये 28 ते 29 जण होते. या अपघातात चार ते पाच जण गंभीर जखमी असल्याचे सांगण्यात येत असून, त्यांना उपचारासाठी रुग्णालयात दाखल करण्यात आले आहे.
केंद्रीय गृहमंत्री अमित शाह यांनी ट्विट करत संवेदना व्यक्त केल्या. ते म्हणाले, “उत्तराखंडमध्ये भाविकांची बस दरीत कोसळल्याची बातमी ऐकून खूप वाईट वाटले. यावर मी मुख्यमंत्री पुष्कर धामीजी यांच्याशी बोललो आहे. स्थानिक प्रशासन आणि एसडीआरएफचे पथक बचाव कार्यात गुंतले असून जखमींना उपचारासाठी जवळच्या रुग्णालयात नेण्यात येत आहे. एनडीआरएफही लवकरच तेथे पोहोचणार आहे.”
उत्तराखंड में श्रद्धालुओं की बस के खाई में गिरने की सूचना अत्यंत दुःखद है। इस पर मैंने मुख्यमंत्री @pushkardhami जी से बात की है। स्थानीय प्रशासन व SDRF की टीमें बचाव कार्य में लगी हैं और घायलों को उपचार के लिए नजदीकी अस्पताल ले जाया जा रहा है। NDRF भी शीघ्र वहाँ पहुँच रही है।
— Amit Shah (@AmitShah) June 5, 2022
