केरळ : केरळमध्ये मंगळवारी मंकीपॉक्सचा आणखी एक रुग्ण आढळून आला. हा केरळमधील पाचवा आणि भारतातील सातवा मंकीपॉक्सचा संसर्ग झालेला रुग्ण आहे. राज्याच्या आरोग्य मंत्री वीणा जॉर्ज यांनी सांगितले की, 30 वर्षीय रुग्ण यूएईहून 27 जुलै रोजी कोझिकोड विमानतळावर पोहोचला होता. त्याच्यावर सध्या मलप्पुरममध्ये उपचार सुरू आहेत.
दिल्लीत काल एका 35 वर्षीय नायजेरियन व्यक्तीची मंकीपॉक्सची चाचणी पॉझिटिव्ह आल्यानंतर आता भारतातील सातवी घटना समोर आली आहे. तो मंकीपॉक्सचा दिल्लीतील दुसरा व्यक्ती आहे. एक वर्षापासून दिल्लीत वास्तव्यास असलेल्या या व्यक्तीचा परदेशी किंवा स्थानिक प्रवासाचा कोणताही अलीकडील इतिहास नाही.
मंकीपॉक्समुळे देशातील पहिला मृत्यू नुकताच केरळमध्ये झाला. राज्याच्या आरोग्यमंत्र्यांनी सांगितले की, नुकताच यूएईहून परत आलेल्या एका २२ वर्षीय पुरुषाचा शनिवारी या आजारामुळे मृत्यू झाला.
