पंजाब : पंजाबमधील अमृतसर आंतरराष्ट्रीय विमानतळावर आज पुन्हा इटलीहून आलेल्या विमानातून कोरोना बाधित प्रवासी आले आहेत. आतापर्यंत 170 प्रवाशांची चाचणी पॉझिटिव्ह आली आहे. एकूण 290 प्रवाशांना घेऊन नॉईज एअरलाइनची फ्लाइट मिलान शहरातून अमृतसरला पोहोचली आहे. या सर्व व्यक्तींना अमृतसरमध्ये क्वारंटाईन करण्यात आले आहे. गुरुवारी देखील इटलीहून आलेल्या आंतरराष्ट्रीय चार्टर्ड फ्लाइटमध्ये 170 पैकी 125 जणांना संसर्ग झाल्याचे आढळून आले होते.
5 राज्यांमध्ये कोरोनाचे सर्वाधिक रुग्ण आढळून येत आहेत. ताज्या माहितीनुसार, यामध्ये महाराष्ट्र (36,265 नवीन कोरोना प्रकरणे), पश्चिम बंगाल (15,421 प्रकरणे), दिल्ली (15,097 प्रकरणे), तामिळनाडू (6983 प्रकरणे) आणि केरळ (4649 प्रकरणे) यांचा समावेश आहे.
