दार्जिलिंगमधील सुकना युद्ध स्मारक येथे संरक्षणमंत्री राजनाथ सिंह यांनी शस्त्र पूजन केले. रविवारी सकाळी त्यांनी दार्जिलिंगमधील सुकना युद्ध स्मारकाला श्रद्धांजली वाहिली आणि सैनिकांना संबोधित केले. त्यांच्यासमवेत लष्करप्रमुख जनरल मनोज मुकुंद नरवणे हे देखील होते.
शस्त्र पूजेनंतर संरक्षणमंत्री म्हणाले की यावेळी भारत आणि चीनच्या सीमेवर तणाव निर्माण झालेला आहे. शांतता प्रस्थापित व्हावी, अशी भारताची इच्छा आहे, हे आमचे उद्दीष्ट आहे पण कधीकधी अशा काही नकारात्मक गोष्टी घडतात. माझा पूर्ण विश्वास आहे आणि मला खात्री आहे कि, कोणत्याही परिस्थितीत आपले सैन्य भारताची एक इंच जमीन देखील इतरांच्या हाती जाऊ देणार नाही.
केंद्रीय संरक्षणमंत्री राजनाथ सिंह यांनी भारतीय सैन्यासह दसरा साजरा केला. दार्जिलिंगमधील सुकना वॉर मेमोरियलमध्ये ‘शस्त्रपूजन’ केल्यानंतर संरक्षणमंत्री राजनाथ सिंह म्हणाले की, भारतीय सेनेच्या सैनिकांना भेटून मला नेहमीच आनंद होतो. त्यांचे मनोबल खूपच उंच आहे, ज्याचे जितके कौतुक करावे, कमी आहे.
