मुंबई : काँग्रेस खासदार राजीव सातव यांचे निधन झाले आहे. मागील महिन्यात त्यांना कोरोनाची लागण झाली होती. अनेक दिवसांपासून त्यांच्यावर पुण्यातील जहांगीर रुग्णालयात उपचार सुरू होते. मात्र, आज उपचारादरम्यान त्यांनी अखेरचा श्वास घेतला आहे. त्यांच्या निधनाने खळबळ उडाली असून अनेक जण दुःख व्यक्त करत आहेत.
काही दिवसांपूर्वी ते कोरोनातून बरे झाले होते. मात्र, नंतर त्यांना सायटोमॅगीलो व्हायरसची लागण झाल्यानं त्यांची प्रकृती खालावली. यातच आज त्यांचे निधन झाले. अनेक राजकीय नेत्यांनी ट्विट करत हळहळ व्यक्त केली आहे. तुकाराम मुंढे यांनीही राजीव सातव यांच्याबाबत ट्विट केलं आहे.
तुकाराम मुंढे यांनी ट्विट करत म्हटलं कि, “युवा नेते राजीव सातव यांचं कोरोनानं निधन झालं. एक आश्वासक लोकनेत्याच्या अकाली निधनानं संपूर्ण देश दुःखात आहे.”
Youth leader #rajivsatav succumbed to #COVID19. India mourns collectively the sad and untimely demise of promising public figure . pic.twitter.com/xtvGLOtuLd
— Tukaram Mundhe (@Tukaram_IndIAS) May 16, 2021
