पुणे : पुण्यातील येरवडा परिसरात एका गुन्हेगाराकुडन 7,88,350 रुपये किंमतीचा एम.डी. हा अंमली पदार्थ जप्त करण्यात आला आहे. ३ जून रोजी पोलिसांनी ही कारवाई केली आहे.
मिळालेल्या माहितीनुसार, ३ जून रोजी अंमली पदार्थ विरोधी पथक-1 चे पोलीस निरीक्षक विनायक गायकवाड हे स्टाफसह येरवडा पोलीस ठाणे कार्यक्षेत्रात पेट्रोलिंग करत असताना येरवडा येथील पर्णकुटी पायथा दरबार बेकरी समोरील सार्वजनिक रोडवर अंमली पदार्थ रेकॉर्डवरील गुन्हेगार समीर ऊर्फ आयबा शहाजहान शेख हा संशयितरित्या फिरत असल्याचे त्यांनी बघितले.
पोलीस निरीक्षक विनायक गायकवाड व त्यांच्याकडील स्टाफने सदर इसमास संशयावरुन ताब्यात घेऊन त्याची झडती घेतली असता त्याच्या ताब्यात 7,81,३५० रुपये किंमतीचे 52 ग्रॅम ९० मिलीग्रॅम मेफेड्रॉन (एम.डी.) हा अंमली पदार्थ तसेच x 5,००० रोख रक्कम, १००० रुपये किंमतीचा ईलेक्ट्रॉनिक वजन काटा, १००० रुपये किंमतीचा मोबाईल फोन, छोटया पारदर्शक प्लास्टिक पिशव्या असा एकुण 7,88,350 रुपये किंमतीचा एैवज बेकायदेशिररित्या विक्रीकरीता जवळ बाळगताना मिळुन आला. त्यानंतर त्याच्याविरुध्द येरवडा पोलीस स्टेशनमध्ये गुन्हा नोंदवण्यात आला आहे.
