नांदेड : ऑनलाइन शिक्षणासाठी मोबाईल नसल्यामुळे एका मजुराच्या 17 वर्षीय मुलीनं आत्महत्या केल्याची घटना घडली आहे. ऑनलाईन शिक्षणासाठी घरच्यांकडे मोबाइल मागितला, पण वेळेत मोबाइल न मिळाल्याने अकरावीत शिकणाऱ्या बिद्धशीला पोटफोडे या विद्यार्थिनीने आत्महत्या केली. नांदेड जिल्ह्यातील नायगाव शहरातील फुलेनगर वसाहतीत ही घटना घडली.
बुद्धशिलाने ऑनलाईन शिक्षणासाठी मोबाईल नसल्यामुळे आपल्या राहत्या घरात गळफास घेऊन आत्महत्या केली. मोबाईल मिळाला नाही तर शिक्षण थांबेल, या चिंतेने ग्रासल्यामुळे तिने हे टोकाचे पाऊल उचलले. तिला आपण अभ्यासात मागे पडू असे वाटत होते, त्यामुळे तिने आपल्या आई-वडिलांकडे मोबाईल मागितला होता. तिच्या आई-वडिलांनी तिला लवकरत मोबाईल घेऊन देण्याचं आश्वासन दिलं होतं. पण तोपर्यंत तिने आत्महत्या केली. या दुर्दैवी घटनेमुळे हळहळ व्यक्त केली जात आहे.
