मुंबई : मिस्टर इंडिया बॉडी बिल्डर मनोज पाटीलने आत्महत्येचा प्रयत्न केला आहे. मनोज पाटीलने गोळ्या घेऊन आत्महत्या करण्याचा प्रयत्न केला. त्याच्यावर सध्या कूपर रुग्णालयात उपचार सुरु असून त्याची प्रकृती स्थिर असल्याची माहिती मिळाली आहे. मनोज पाटील याने सुसाईट नोट लिहिली असून त्यामध्ये अभिनेता साहिल खान आपल्या आत्महत्येसाठी जबाबदार असल्याचं सांगितलं आहे.
मनोज पाटीलने अभिनेता साहिल खान आपल्याला गेल्या अनेक दिवसांपासून त्रास देत असल्याचा आरोप केला आहे. त्याने त्याच्या सोशल मीडियावरही व्हिडीओ शेअर करत हे आरोप केले होते. हा त्रास आणि छळ असह्य झाल्यामुळेच आपण आत्महत्येचं पाऊल उचलत असल्याचं मनोजने सुसाईड नोटमध्ये लिहिलं आहे. बुधवारी रात्री मनोज पाटीलने आत्महत्या करत जीवन संपवण्याचा प्रयत्न केला.
View this post on Instagram
साहिल खानने 2001 साली ‘स्टाइल’ या सिनेमात काम केले. त्यानंतर 2010 साली त्याने ‘रामा: द सेवियर’ चित्रपटात काम केले. त्यानंतर त्याने गोव्यात जिम सुरू केली.
