मुंबई : मुंबईतील बोरिवली येथे एक चार मजली इमारत कोसळली आहे. बोरिवली पश्चिमेतील साईबाबा नगरमध्ये ही घटना घडली. अग्निशमन दलाचे जवान घटनास्थळी पोहोचले असून, बचाव आणि मदतकार्य तातडीने सुरू करण्यात आले आहे. या दुर्घटनाग्रस्त इमारतीमध्ये काहीजण अडकल्याची शक्यता व्यक्त केली जात आहे. दोन रेस्क्यू व्हॅन आणि तीन ऍम्ब्युलन्स आधीच घटनास्थळी दाखल झाल्या आहेत.
बोरिवली परिसरातील गीतांजली ही तळ अधिक चार मजली इमारत कोसळल्याची माहिती अग्निशमन दलाला दुपारी साडेबाराच्या सुमारास मिळाली. त्यानंतर मुंबई अग्निशमन दलाचे जवान, स्थानिक पोलीस आणि वार्डातील कर्मचारी तातडीने घटनास्थळी पोहोचले. त्यांनी बचावकार्य सुरु केले. परिसरात नाकेबंदी करण्यात आली आहे.
Video | बोरिवलीत चार मजली इमारत पत्त्यासारखी कोसळली.. घटनास्थळी अग्निशामक दलाकडून बचावकार्य सुरु #borivali #Buildingcollapse #BorivaliBuildingCollapse #VideoOfbuilding #Collapse #Mumbai pic.twitter.com/3G2U0MvqEt
— Pratiksha Bansode (@pratikshapb) August 19, 2022
