राष्ट्रवादीचे अध्यक्ष शरद पवार यांचे मुंबईमधील निवासस्थान ‘सिल्व्हर ओक’ येथील पाच जणांना कोरोनाची लागण झाली आहे. यामध्ये सुरक्षारक्षक आणि महिला स्वयंपाकी यांचा समावेश आहे.
राजेश टोपे यांनी दिलेल्या माहितीनुसार, सिल्व्हर ओकमधील दोन लोक आणि सुरक्षेसाठी तैनात असणाऱ्यांपैकी तीन लोक कोरोना पॉझिटिव्ह सापडले आहेत. संसर्ग झालेले सुरक्षारक्षक बऱ्याचदा लोकांना दूर करण्याचं काम करत असतात, त्यातून त्यांना लागण झाली असल्याची शक्यता आहे.
शरद पवार यांची रविवारी ब्रीच कँडी रुग्णालयात चाचणी करण्यात आली असून त्यांचा रिपोर्ट निगेटिव्ह आलेला आहे. ते अत्यंत सुरक्षित आहेत. आपण त्यांना राज्यात फिरु नका अशी विनंती करणार असल्याचं राजेश टोपे यांनी म्हटलं.
दरम्यान, सुरक्षारक्षक आणि महिला स्वयंपाकी यांच्या घरातल्यांची तसंच ते ज्या चाळीत राहतात तेथील लोकांची चाचणी केली जाणार आहे. त्यांची पूर्ण काळजी घेतली जात आहे. प्रोटोकॉलप्रमाणे सर्व गोष्टी केल्या जात आहेत, असंही त्यांनी सांगितलं आहे.
