अमेरिका : अमेरिकेचे राष्ट्राध्यक्ष जो बायडेन सायकलवरून पडले. ते शनिवारी सकाळी डेलावेर राज्यातील त्यांच्या समुद्रकिनाऱ्यावरील घराजवळ सायकल चालवत असताना खाली पडले, परंतु सुदैवाने त्यांना कोणतीही दुखापत झालेली नाही. व्हाईट हाऊसच्या पूल अहवालातील व्हिडिओमध्ये 79 वर्षीय अध्यक्ष पडल्यानंतर लगेच उठताना दिसले. त्यानंतर ते लगेच म्हणाले कि, “मी व्यवस्थित आहे.”
Biden falls down from bike in Delaware ? pic.twitter.com/Z6NipmnfyS
— Nwabulibu (@Nwabulibu) June 18, 2022
जो बायडेन फर्स्ट लेडी जिल बायडेन यांच्यासोबत रेहोबोथ बीच, डेलावेर येथील त्यांच्या बीच होमजवळील स्टेट पार्कमध्ये सायकल चालवत होते. यावेळी ते तेथे उपस्थित असलेल्या लोकांबरोबर बोलण्यासाठी थांबत असताना त्यांचा तोल गेला आणि ते खाली पडले. त्यांनी उपस्थित हितचिंतक आणि पत्रकारांच्या छोट्या जमावाला सांगितले की बाइक क्लिपमधून पाय बाहेर काढण्याचा प्रयत्न करत असताना त्यांचा तोल गेला. व्हाईट हाऊसच्या पूल अहवालात म्हटले आहे की त्यांना कोणतीही जखम झाली नसून खरचटलेले देखील नाही.
