ब्राझील : ब्राझीलचा प्रसिद्ध गायक एमसी केव्हिन याचा पाचव्या मजल्यावरून खाली पडून मृत्यू झाला आहे. 23 वर्षीय केविन ब्राझीलच्या रिओ दि जानेरो मधील हॉटेलमध्ये थांबला होता. ही घटना 16 मे रोजी घडली. पोलिसांनी केव्हिनच्या पाचव्या मजल्यावरून पडण्याबाबत आश्चर्य व्यक्त केलं आहे. याप्रकरणी गुन्हा दाखल करण्यात आला असून तपास सुरू आहे.
केव्हिन हॉटेलच्या 11 व्या मजल्यावर थांबलेला होता. तो पाचव्या मजल्यावर त्याच्या काही मित्रांना भेटण्यासाठी त्यांच्या रूममध्ये गेला होता. केव्हिन हॉटेलच्या बाल्कनीत उभा होता, जिथून तो खाली पडला. घटनास्थळी पोहोचलेल्या एका पथकाने या अपघातानंतर केव्हिनला ताबडतोब रुग्णालयात नेले, परंतु तेथे डॉक्टरांनी त्याला मृत घोषित केले.
दोन आठवड्यांपूर्वीच केव्हिनने त्याची मैत्रीण डियोलेन बेजेराशी लग्न केले होते. डियोलेन ही क्राईम वकील आहे. केव्हिनच्या निधनानंतर डियोलेनने त्यांच्या लग्नाचा एक फोटो शेअर करत चाहत्यांना ही दुःखद बातमी दिली. डियोलेनने आपल्या पोस्टमध्ये लिहिले आहे की, “तु माझ्या जीवनातील प्रेम आहेस आणि नेहमीच राहशील. मला सर्वात जास्त प्रेम आणि आदर देणारा माणूस. देवाकडे जा, मी तुझ्यावर कायम प्रेम करीन.”
View this post on Instagram
