तैवानच्या वायुदलानं चीनचं सुखोई-35 विमान पाडल्याचा संशय सध्या व्यक्त करण्यात येत आहे. तैवानच्या हवाई हद्दीत चीनचं विमान घुसल्यानं विमान पाडण्यात आलं असल्याचं बोललं जात आहे. तसेच चीनचं विमान पाडण्यासाठी तैवानने अमेरिकी पेट्रियाट मिसाइल डिफेंस सिस्टमचा वापर केला आहे. अद्याप घडलेल्या प्रकाराबाबत दोनही देशांकडून कोणत्याच प्रकारची अधिकृत माहिती देण्यात आलेली नाही.
सध्या चीनचे शेजारील देशांसोबत तणावपूर्ण संबंध सुरु आहेत. तैवानसोबतही चीनच्या गेल्या बऱ्याच दिवसांपासून कुरघोडी सुरु आहेत. मीडिया रिपोर्ट्सनुसार असा दावा करण्यात येत आहे की, तैवानकडून चिनी विमानाला अनेकदा चेतावणी दिली, तरिसुद्धा चिनी विमान तैवानच्या हवाई हद्दीतून बाहेर गेलं नाही. बराच वेळ हे विमान तिथेच घिरट्या घालत होतं. त्यामुळे तैवानने चीनचं सुखोई विमान पाडलं आहे. या घटनेत पायलट जखमी झाला आहे.
