अमेरिकेचे राष्ट्राध्यक्ष जो बायडेन यांनी पाकिस्तानला जगातील सर्वात धोकादायक राष्ट्रांपैकी एक मानले आहे. शुक्रवारी व्हाईट हाऊसच्या निवेदनात काँग्रेसच्या प्रचार समितीच्या रिसेप्शनमध्ये डेमोक्रॅटिक अध्यक्षांच्या भाषणाचा उल्लेख करण्यात आला. बायडेन म्हणाले, “मला वाटते कदाचित जगातील सर्वात धोकादायक राष्ट्रांपैकी एक आहे, पाकिस्तान. कारण त्यांच्याकडे कोणत्याही सामंजस्याशिवाय अण्वस्त्रे आहेत.”
अमेरिकेच्या अध्यक्षांनी रिसेप्शनमध्ये रशिया-युक्रेन संघर्ष आणि त्याचा जगावर कसा परिणाम झाला आहे, याबद्दल बोलताना ही टिप्पणी केली. वॉशिंग्टनच्या इतर देशांशी असलेल्या संबंधांबद्दलही त्यांनी भाष्य केले.
पाकिस्तानवरील टिप्पणी अशा वेळी आली आहे जेव्हा इस्लामाबादला जागतिक आर्थिक वॉचडॉग असलेल्या फायनान्शियल ऍक्शन टास्क फोर्स (FATF) च्या ग्रे लिस्टमधून बाहेर काढले जाऊ शकते. दहशतवादविरोधी निधी आणि मनी लाँडरिंग विरोधी धोरणांमधील कमतरतांमुळे पाकिस्तानला या श्रेणीत सूचीबद्ध केले गेले आहे. दहशतवादविरोधी फंडिंग कायदे FATF मानकांचे पालन करण्यात अयशस्वी ठरले, त्यामुळे जून 2018 पासून पाकिस्तानचे नाव ‘ग्रे लिस्ट’मध्ये आहे.
