न्यूझीलंडमध्ये गेल्या १०० दिवसांपासून एकही करोनाबाधित रुग्ण आढळला नाही

जगात करोना विषाणूचा प्रादुर्भाव झपाट्यानं वाढत चालला आहे. भारत आणि न्यूझीलंड या देशात जवळपास एकाचवेळी लॉकडाउन घेण्यात आला होता.

भारतामध्ये अनलॉकची प्रक्रिया सुरु आहे पण अनलॉक होताना देशातील करोनाचा संसर्ग वेगानं होत असल्याचं समोर आलं आहे. याउलट न्यूझीलंड सारख्या छोट्या देशानं करोनावर यशस्वी मात केली आहे. trtworld च्या वृत्तानुसार, भारतासोबतच लॉकडाउन करणाऱ्या न्यूझीलंडमध्ये गेल्या १०० दिवसांपासून एकही करोनाबाधित रुग्ण आढळला नाही. ५० लाख लोकसंख्या असणाऱ्या न्यूझीलंडने करोनावर यशस्वी मात करत जगाला आदर्श दाखवून दिला आहे.