मुंबई : अभिनेत्री विद्या बालनचा पुढील चित्रपट ‘शेरनी’चा टीझर सोमवारी प्रदर्शित झाला. विद्याचे चाहते जवळपास एक वर्षापासून या चित्रपटाची प्रतीक्षा करत आहेत. या चित्रपटाचा ट्रेलर 2 जून रोजी रिलीज होणार आहे, परंतु चित्रपटाच्या टीझरने चाहत्यांना उत्साहित केले आहे.
न्यूटन फेम अमित मसुरकर दिग्दर्शित या चित्रपटाचा प्रीमियर ओटीटी प्लॅटफॉर्म अ‍ॅमेझॉन प्राइम व्हिडिओवर होणार आहे. या चित्रपटात विद्या बालन मुख्य भूमिकेत दिसणार आहे. शेरनी ही एक काल्पनिक कथा आहे, ज्याद्वारे विद्या एका वन-अधिकाऱ्याचा प्रवास दाखवणार आहे, जी मानव आणि प्राणी यांच्या संघर्षात संतुलन साधण्याचा प्रयत्न करते.
भूषण कुमार, कृष्ण कुमार, विक्रम मल्होत्रा आणि अमित मसुरकर निर्मित या चित्रपटामध्ये शरत सक्सेना, मुकुल चड्ढा, विजय राज, इला अरुण, ब्रिजेंद्र कला आणि नीरज काबी यांच्या दमदार भूमिका आहेत. जून 2021 मध्ये शेरनी ऍमेझॉन प्राइम व्हिडिओवर रिलीज होणार आहे.
View this post on Instagram
