फिल्म एडिटर अजय शर्मा यांचे काल ४ मे रोजी रात्री निधन झाले. त्यांना कोरोनाची लागण झाली होती. त्यानंतर त्यांची ऑक्सिजन पातळी खालावली होती. अजय शर्मा यांची प्रकृती ढासळत गेली आणि काळ त्यांची प्राणज्योत मालवली.
तापसी पन्नू यांच्या आगामी ‘रश्मी रॉकेट’ या चित्रपटाचे ते एडिटर आहेत. अजय शर्मा यांनी रश्मी रॉकेटच्या आधी जग्गा जासू, कारवां, लुडो, इंदू की जवानी, हायजॅक, प्यार का पंचनामा 2, क्रोक, तुम मिले आणि वेब सीरिज बंडिश बॅन्डिट्स यासारख्या प्रोजेक्ट मध्ये काम केलं आहे. याशिवाय अजय शर्मा यांनी बर्फी, ये जवानी है दिवानी, अग्निपथ, काय पो छे, लाइफ इन ए मेट्रो, गोरी तेरे प्यार में, आय हेट लव स्टोरीज आणि द डर्टी पिक्चर या चित्रपटात सहाय्यक संपादक म्हणून काम केले होते.
अजय यांनी दिग्दर्शनात देखील हात अजमावळ होता. त्यांनी जॉली 1995 हा लघुपट दिग्दर्शित केला होता. अजय शर्मा एक अतिशय हुशार, प्रतिभाशाली आणि चांगले व्यक्ती होते.
अजय शर्मा यांच्या मृत्यूची बातमी समजताच अनेक कलाकारांना धक्का बसला आहे. अनेकांनी ट्विट करून त्यांना श्रद्धांजली वाहिली आहे. श्रिया पिळगावकर यांनी ट्विट केले की, ‘मी तुटलेली आहे. आम्ही आज अजय शर्मा यांना गमावलं. ते केवळ एक उत्तम संपादकच नव्हते तर अतिशय चांगले व्यक्तिमत्व होते. कशातच अर्थ उरलेला नाही.’
Devasted is an understatement ?
We lost Ajay Sharma today.
Not just an incredibly fine editor but an absolute gem of a human being . Nothing makes sense .— Shriya Pilgaonkar (@ShriyaP) May 5, 2021
