मुंबई : अभिनेता राजकुमार राव आणि पत्रलेखा यांचा विवाहसोहळा आज (१५ नोव्हेंबर) संपन्न झाला. त्यांच्या चाहत्यांना ही आनंदाची बातमी सांगण्यासाठी दोघांनी त्यांच्या लग्नातील सुंदर फोटो शेअर केले. राजकुमार आणि पत्रलेखा यांचा विवाह सोहळा चंदीगडमध्ये त्यांचे जवळचे मित्र आणि कुटुंबातील सदस्यांच्या उपस्थितीत पार पडला.
राजकुमार राव आणि पत्रलेखा यांनी एक दशकाहून अधिक काळ एकमेकांना डेट केल्यानंतर आज त्यांनी लग्न केले. राजकुमारने त्याच्या लग्नाचे फोटो सोशल मीडियावर पोस्ट केले आणि त्याच्या चाहत्यांसोबत ही आनंदाची बातमी शेअर केली. पत्रलेखाने देखील लग्नातील फोटो शेअर केले आणि चाहत्यांना ही आनंदाची बातमी दिली.
View this post on Instagram
राजकुमार राव आणि पत्रलेखा यांची प्रेमकहाणी एखाद्या परीकथेपेक्षा कमी नाही. पत्रलेखाने 2014 मध्ये सिटीलाइट्समधून राजकुमारसोबत बॉलिवूडमध्ये पदार्पण केले. तिने त्याला पहिल्यांदा लव्ह सेक्स और धोखा (LSD) चित्रपटात पाहिले होते आणि त्याने तिला एका जाहिरातीत पाहिले होते. राजकुमारबद्दल पत्रलेखा म्हणाली, मी LSD पाहिल्यावर त्याला पहिल्यांदा ऑन-स्क्रीन पाहिले. मला वाटले की त्याने या चित्रपटात ज्या विचित्र माणसाची भूमिका केली आहे तो प्रत्यक्षात देखील तसाच असेल. त्याच्याबद्दलची माझी समज आधीच कलंकित झाली होती. त्याने मला नंतर सांगितले की, त्याने मला पहिल्यांदा एका जाहिरातीत पाहिले होते आणि तेव्हाच मी हिच्याशीच लग्न करणार, असे त्याला वाटले होते. अखेर आज राजकुमार राव आणि पत्रलेखा यांचे लग्न झाले आहे.
