नवी दिल्ली : दमदार अभिनयाने प्रेक्षकांच्या मनावर छाप पाडणारा अभिनेता इरफान खान यांच्या निधनाला आज एक वर्ष पूर्ण झालं आहे. त्यानिमित्ताने त्यांचा मुलगा बाबिलने आपल्या अधिकृत इन्स्टाग्रामवर एक मोठी पोस्ट लिहिली आहे, तो म्हणाला कि, “त्यांची जागा कोणीही घेऊ शकत नाही. बाबिलने आपल्या इंस्टाग्रामवर इरफान खान यांचा एक थ्रोबॅक फोटो देखील शेअर केला आहे, ज्यामध्ये इरफान आपला टेबल दुरुस्त करताना दिसत आहे.
बाबिलने हा फोटो शेअर करत आपल्या वडिलांची आठवण सांगणारी भावनिक पोस्ट लिहिली आहे. त्याने लिहिले कि, “केमो तुम्हाला आतून जाळत होता, त्यामुळे तुम्ही साध्या-सोप्या गोष्टींमध्ये आनंद शोधायचात. जसं की आपली जर्नल्स लिहिण्यासाठी तुम्ही स्वतःचे टेबल स्वतःच बनवलं. यामध्ये एक प्रकारची शुद्धता (Purity) आहे, जी मला अद्याप सापडली नाही. माझ्या बाबांनी तयार केलेला हा खूप अगोदरचा वारसा आहे, जो पूर्णविराम आहे. कोणीही कधीही त्यांची जागा घेऊ शकत नाही. तो एक चांगला मित्र, पार्टनर, वडील, भाऊ होता. मी तुझ्यावर खूप प्रेम करतो आणि प्रत्येक क्षणी तुझी आठवण येते. माझी इच्छा होती की मी तुझ्याबरोबर असावं आणि आपण हातात हात घेऊन एकत्र फिरू.” सोशल मीडियावर बाबिलची पोस्ट चांगलीच लोकप्रिय झाली आहे.
View this post on Instagram
