हैदराबाद : हैदराबादमधून एक धक्कादायक घटना समोर आली आहे. येथे एका महिलेने तिच्या पतीच्या प्रेमसंबंधाच्या संशयावरून पतीच्या मैत्रिणीवर बलात्कार घडवून आणला. महिलेला संशय आला होता की तिच्या पतीचे आपल्या महिला मैत्रिणीसोबत प्रेमसंबंध आहेत. त्यामुळे या महिलेने पतीच्या मैत्रिणीवर बलात्कार करण्यासाठी 5 जणांना हायर केले. त्यानंतर या ५ जणांनी त्या महिलेवर बलात्कार केला. एवढेच नाही तर महिलेने बलात्काराचा व्हिडिओही बनवला. ही घटना सायबराबादमधील गचीबोवली येथील आहे.
मिळालेल्या माहितीनुसार, पोलिसांनी गायत्री या गुन्हेगार महिलेसह सहा जणांना अटक केली आहे. कोंडापूर येथील गायत्रीच्या घरात 5 जणांनी महिलेसोबत बलात्कार केला. पोलिसांनी दिलेल्या माहितीनुसार, गायत्रीचा पती श्रीकांत युपीएससीची तयारी करत असताना पीडित महिलेला कोचिंगमध्ये भेटला होता. ही महिला अनेकदा गायत्रीच्या पतीला भेटण्यासाठी गायत्रीच्या घरी येत असे. त्यानंतर ऑक्टोबर 2021 ते फेब्रुवारी 2022 पर्यंत ती गायत्रीसोबत त्याच्याच घरी राहिली. यानंतर गायत्रीला तिच्या नवऱ्याचे महिलेसोबत प्रेमसंबंध असल्याचा संशय आला. बरेच वाद झाल्यानंतर ती महिला गायत्रीच्या घरातून निघून गेली होती.
26 मे रोजी गायत्रीने पीडित महिलेला तिच्या घरी बोलावले होते. इथे गायत्रीने आधीच भाड्याच्या 5 जणांना बोलावले होते. त्यानंतर या ५ जणांनी पीडितेवर बलात्कार केला. त्याचा व्हिडिओही बनवण्यात आल्याचा आरोप आहे. त्यानंतर पोलिसात गेल्यास गंभीर परिणाम भोगावे लागतील, अशी धमकी देऊन पीडितेला सोडून देण्यात आले होते. पोलिसांनी सर्व गुन्हेगारांविरुद्ध गुन्हा दाखल केला असून या प्रकरणाचा तपास सुरू केला आहे. गायत्री या गुन्हेगार महिलेसह सहा जणांना अटक करण्यात आली आहे.
